MAGAZETI ya Leo Jumapili tarehe 9 Machi 2025
MAGAZETI ya Leo Jumapili tarehe 9 Machi 2025
Naibu Waziri wa Afya, Dk Godwin Mollel, amewataka Watanzania kuhamasishana kukata bima ya afya ili kuepuka changamoto za kugharamia matibabu wanapokumbwa na maradhi.
Akizungumza Jumamosi Machi 8, 2025, katika maadhimisho ya Siku ya Figo Duniani jijini Dar es Salaam, Dk Mollel amesema kuwa bima ya afya ni suluhisho la kudumu kwa changamoto za matibabu, hasa kwa magonjwa sugu kama figo, ambayo gharama zake ni kubwa.
“Bima ya afya ndiyo mwarobaini wa matatizo ya matibabu. Ili kujikinga na ugonjwa wa figo, tunapaswa kudhibiti kiwango cha sukari, shinikizo la damu na magonjwa mengine yanayoweza kuathiri figo. Lakini pia, sote tunapaswa kuwa mabalozi wa kuhamasisha ukataji wa bima ya afya,” amesema.
Katika maadhimisho hayo, Hospitali ya Saifee ilitoa huduma za uchunguzi wa afya bila malipo kwa wananchi, hatua iliyowezesha wengi wao kutambua hali zao za kiafya mapema.
Mwakilishi wa hospitali hiyo, Dk Abbas Essajee amesema wamebaini ongezeko la wagonjwa wa figo, hasa wenye umri wa kati ya miaka 30 hadi 45, jambo linaloashiria umuhimu wa tahadhari za kiafya mapema.
“Tunawahimiza watu kuchukua hatua za kulinda afya zao kwa kuzingatia mtindo bora wa maisha. Ni muhimu kunywa maji ya kutosha, kula chakula chenye lishe, kufanya mazoezi mara kwa mara na kuhudhuria uchunguzi wa afya kwa vipindi maalumu ili kugundua matatizo mapema,” amesema Dk Essajee.
TAZAMA AJIRA ZOTE TANZANIA
Je, Unatafuta Nafasi za kazi?Jiunge na Watanzania wengine Kupata Matangazo ya Ajira Kila Siku Kutoka Serikalini pamoja na Makampuni Mbalimbali.
Kupata Matangazo ya Ajira Kila Siku ni bure kabisa, JIUNGE HAPA
JIUNGE NA GROUP LETU HAPA, JIUNGE NA CHANNEL YETU HAPA, JIUNGE NA TELEGRAM HAPA.
